Fisk á minn disk.
Setningin „Fisk á minn disk“ hefur fengið nýja merkingu frá og með deginum í dag. Frá því um miðbik síðustu aldar, hefur ekki verið leyft að veiða hvali í atvinnuskyni, en nú er öldin önnur í tvennum skilningi.Þegar ég fylgdist með því í fréttunum í kvöld þegar hvalbáturinn lagði í hann, var mér hugsað um þvílíka hugmyndaauðgi íslendingar hafa við nafngiftir á atvinnutækjum, Hvalur 1., Hvalur 2., Hvalur 3. o.s.fv. Þetta minnti mig einmitt á að það er fyrirtæki í borg óttans sem sérhæfir sig í skolphreinsunum, en þar eru atvinnutækin nafngreind með því að bera nöfnin Kúkur 1. Kúkur 2. Kúkur 3. o.s.fv.
Kveðja,
posted by Hættulega viðkunnanlegur at miðvikudagur, október 18, 2006
8 Comments:
Iss ég nennti ekkert að lesa þessa blessuðu grein þína. Var gjörsamlega dolfallin yfir þessu krúttulega strák! Ég hefði pottþétt orðið skotin í þér ef við hefðum verið saman á leikskóla...!
13:29
Skrifar þú ekki pistil þessa dagana nema fram komi eitthvað sem tengist losun mannsins á úrgangi sínum eða tól sem hann nota við það samanber hringvöðva. Hvaða fettis er þetta hjá þér?
kv
Hannibal
13:33
Leikskóla Vigdís!!! ég er 10 ára á myndinni.....kona.
Nema þú hafir verið heit fyrir eldri mönnum í fyrndinni.
Svona til þess að róa kaupfélagsstjórann, þá er saurlosunar umfjöllun minni lokið í bili.
20:25
Ég hef nefninlega ALLTAF verið veik fyrir eldri karlmönnum...*wink* *wink* ;)
20:50
Gamlir karlar eru líka mjög oft veikir Vigga mín, þið verðið bara veik saman væntanlega...
23:35
skítt með öll heimsins krúttlegu bernskufés og aðra samskonar hrörnunarsjúkdóma! Það sem veldur mér áhyggjum er þessi nýja ritstjórnarstefna síðuhaldara.
Ef kúk-og-piss umræðum er lokið á þessu vefsetri, þá hef ég ekkert hingað að sækja. Ekkert, segi ég!
Ekki segja mér að stefnt sé að því að færa umræðuna á hærra plan. Plís! Það eru allir í því. Algjört óþolandi offramboð á vitrænni umræðu allt-umlykjandi. Ég legg til að síðuhaldari færi umræðun, þvert á móti, á enn LÆGRA plan. Kanni áður ókunnar lendur í lágkúru. Skafi botninn og sleiki úr hornunum.
Það er umræðuvettvangur sem fær mig til þess að flissa af spenningi. Lifi lágkúran!
00:11
í guðana bænum vertu nú ekki að hlusta á mig þegar þú ákveður hvað þú ætlar að skrifa um. Ég vildi bara vita hvað lægi á hjarta þínu og sál, þ.e.a.s. hvers vegna þetta fettis?
kv
Hannibal
11:12
Líkt og Steinríkur datt forðum daga ofan í töfraseiðispottinn, duttu þeir Guðmundur og Jón Smári ofan í klósettið í æsku. Síðan hafa þeir haft dálæti á félögum sínum, kúki og pissi, því það var það eina sem þeir gátu leikið sér með í þær stundir sem þeir voru fastir í postulíninu. Þegar móðir þeirra sturtaði þessum leikfélögum þeirra síðan niður, að hætti siðmenntaðra, hafa þeir leitað leiða til þess að tala um þessa bestu vini sína fyrrum.
Vona að þetta svari spurningu þinni Hannibal minn.
19:04
Skrifa ummæli
<< Home