Minkurinn mættur í hænsnakofann.

Já, nú er viðkunnanlegur mættur á norðurlandið eftir að hafa þreytt göngur um fjallahéruð norður spánar í tæpar tvær vikur. Tókst viðkunnanlegum að drösla sér upp í 2650m hæð, en hæðar metið stóð áður í 1536m eftir að Kerlingin í eyjafirðinum var sigruð fyrr í sumar. Samkvæmt því ætti að ganga erfiðlega að slá hæðar metið hér á landi þar sem okkar ástkæri hnjúkur hefur snar minnkað í fjarveru minni frá landi og lýð. En hann mælist nú ekki nema 2110m.

Viðkunnanlegur hefur hug á að birta valda kafla úr ferðasögu sinni og Guðmundar, þegar særðar hásinar, bólgnir ökklar og blöðrur á hælum og iljum ná sinni fyrri mynd.