Æ njú it!!
Á vissum tímapunkti í fyrndinni kom tegundin Homo erectus fram. Næsta þróunarstig lífverunnar sem lifði af var Homo sapien, sem myndi teljast til nútímamannsins.Þessi uppréttingarþróun átti sér ekki stað til þess að karlmenn myndi setjast niður við þvaglát.
Máli mínu til staðfestingar vísa ég í Guðjón Haraldsson, þvagfæraskurðlæknir á Landspítalanum. Hann segir að engar rannsóknir styðji það eða hafni að betra sé að pissa sitjandi. "Það hefur ekki verið hægt að sýna fram á það að blaðran tæmist betur þótt menn sitji."
Kveðja,
posted by Hættulega viðkunnanlegur at fimmtudagur, október 05, 2006
14 Comments:
En gættu líka að því að hann segir: "...engar rannsóknir styðji það EÐA hafni..." þannig að út frá þessu má áætla að þetta sé eins og Cherrios - bæði betra !!!
19:48
Þar sem undirritaður er í daglegu og afar nánu líkamlegu sambandi við þvagblöðru sína getur hann fullyrt að staðhæfing háttvirts læknis er með öllu ósönn. Undirritaður, sem var alinn upp í mjög alþýðlegu en jafnframt kristilegu umhverfi, hefur löngum stært sig af þvagsetuaðferðinni og kostum hennar, sem eru ótvíræðir.
Legg ég til og mæli um að sem flestir karlmenn taki þennan sið upp, þó ekki væri nema til að þóknast maka sínum eða móður, af þvagfaglegum hreinlætisástæðum.
Þegar niður er sest, af gefnu tilefni, gefst einnig kostur á saurlosun, sem jafnt við þvaglosun, er alveg eins nauðsynleg nútímamanninum. Yrðu þá slegnar tvær flugur í einu höggi, einsog máltækið segir.
22:40
Á þessari stundu er ég fegin að vera ekki karlmaður. Ég fengi valkvíða... á ég að sitja,standa,sitja,standa...
00:06
kæri Trausti,
Ég ber hlandvolga virðingu fyrir salernissiðum þínum, enda annálaður fyrir umburðarlyndi. Ég raunar hvet þig til þess að láta kné fylgja kviði og losa þvag í hnypri jafnt utan dyra sem innan(aðferðin er þekkt innan þvagfræðanna sem "crouching urine maneuver").
En þú sem hefur um árabil ráfað um myrkvuð húsasund og ritað nafn þitt í fönnina með heiðgulum hástöfum. Mér þætti gaman að sjá þig reyna það á hækjum þér, vopnaður baksýnisspegli.
Annars get ég vart orða bundist þar sem þú stærir þig af kristilegum klósettsiðum. Við JSJ höfum báðir lent í því að fá þig fullhlaðinn í heimsókn og lánað þér postulínið eina kvöldstund. Án þess að fjölyrða neitt frekar um aðfarir þínar þá gildir það mig einu hvort þú situr, krýpur eða jafnvel stendur á höndum; gustavsbergið mitt er jafnan eins og Jónína Bjartmars á litinn eftir þínar heimsóknir. Aðrar eins og sportrendur hef ég aldrei séð. Síðan þá hef ég alltaf brúsa af terpentínu handhægan því hún vinnur vel á slíku skipalakki sem úr þörmum þínum flæðir.
Ég veit jafnframt að JSJ setur þig í strangt kaffibann á meðan þú dvelur í hans húsum.
11:42
LOL alveg yndisleg skrif hjá ykkur drengir, þetta er orðið mjög myndrænt í huga mínum þessar klósettferðir ... það verður örugglega kúkur í lauginni í draumum mínum í nótt.
12:03
Þær eru undarlegar þær duldu hvatir sem búa að baki þeim atferlistilburðum Traustsins er kemur að saur- og þvaglosun. Um leið og síðuhaldari bíður gestinum kaffitár, hef ég verið knúinn til að setja þær skorður að banna alfarið þarmaþjark í snyrtingarhíbýlum undirritaðs.
Reyndar tel ég að þær losunar aðferðir sem Traustið viðhefur, hafi af einhverjum ástæðum ruglast saman, en ástæður þess misskilnings er efni í annan pistill.
Til þess að gefa gleggri mynd á þann losunarmisskilning, þá tel ég að ástæðan fyrir setutilburðum Traustsins við þvaglosun sé að hann standi þegar um saurlosun er um að ræða.
Kveðja,
16:28
hehehehe gott að fleiri lumi enn á piss og kúk húmor hehehe alltaf jafn skemmtilegt. Takk strákar fyrir að gera SPSS þjáningar á föstudagskvöldi mun skemmtilegri. Kveðja Milla in the middle
17:50
Undirritaður skilur ekki þær aðdróttanir í garð náttúru sinnar sem síðuhaldari í slagtogi við mann á fertugsaldri leggur að honum. Slík aðför að heiðri undirritaðs er með öllu óskiljanleg. Að þér skuli ekki skammast yðar er reginhneyksli.
Það sem þér og aðrir dvergvaxnir pörupiltar verðið að athuga er sú einfalda staðreynd að þegar drengir verða að mönnum og ná 1.90 cm hæð, getur reynst erfiðara að halda jöfnu vægi (jafnvægi) við minniháttar ölvun. Við slíkar aðstæður er brýnt að halda ró sinni og láta í minni pokann fyrir riðuveikinni með því að setjast á postulínið. Saurlosun hefur aldrei verið framkvæmd af minni hálfu öðruvísi en standandi, þrátt fyrir vísvitandi rógburð síðuhaldara um annað.
Varðandi kaffiþamb og þarmaþjörkun er undirritaður þess fullviss að honum hafi verið byrluð baneitruð laxerolía út í kaffið á sínum tíma er leiddi til þeirrar vanlíðunar í endaþarmi er raun bar vitni, með tilheyrandi vindverkjum og garnagauli. Þér megið þakka fyrir að undirritaður hafi ekki kastað upp á óbónað stofugólfið, slíkir voru krampaverkir kauða, að lá við dauða.
18:35
Ég er orðin margs vísari um WC ferðir Trausa eftir þennan lestur!!! Sem ég veit reyndar ekki hvort er gott eða vont???!??!
En Trausti...væri ekki sjálfssögð kurteisi að þrífa skálina eftir sig??!?! Eða ertu kannski ekki þessi frægi snyrtipinni sem sögur fara af??? :)
19:43
Trausti, samkvæmt kenningu þinni um tengsl hæð manns og þess að verða að manni eru við bræður þá ekki orðnir að mömmum:o)?
kv
Hannibal
19:25
eh, ég skal nú ekki gerast það grófur að kenna ykkur við mæður. En er tilbúinn að gera málamiðlun í ykkar sérstaka dæmi, þar sem ykkur tókst að ná mestri samanlagðri skeggrót í flokki tvíbura í unglingaflokki aðeins 11 ára gamlir.
08:23
það er gott að þú sást að þetta var innsláttarvilla Trausti enda greindur með afbrigðum. þetta átti náttúrulega að vera mönnum.
kv
Hannibal
09:12
Hér er auðséð fyrir lærðan, að Ödipusarduld Hannibals hefur náð nýjum hæðum í tengslum við mæðragirnd. Síðuhaldari mun vinda sér í að vara skyldmenni sín við sem enn þreyja þorrann í höfuðbóli vestfirðinga við kenndum kaupmanns.
12:34
ekki snúa útúr hlutunum jón minn! Hvenær ætlar þú annars að flytja aftur heim? Vantar svona mann eins og þig vestur sem enn pissar standandi :o)
16:39
Skrifa ummæli
<< Home