Kviðmágarnir leggja land undir fót!

Meðlimir gönguklúbbsins Kviðmágarnir hafa ákveðið að leggja land undir fót og ætla að skunda af stað á vit ævintýranna í dag kl:15:00 miðvikudaginn 7. september. Í för verður kviðmágur á undanþágu að nafni V. Sveinsdóttir en stefnan er sett á Hlíðarfjall þ.e. gengið verður upp hrygginn norðan megin við skíðasvæðið, upp á topp en þar verður stefnan sett í suður þar til við komum að hryggnum sem liggur sunnan megin við sjálft skíðasvæðið. Á leiðinni verður að sjálfsögðu áð og örfæði brúkað auk sviðasultunar hans G. Gunnarssonar og kannski smá kaffitár!