Evrópumet í svitnun!

Ég get fullyrt, að Evrópumetið í svitnun var slegið í klettastígnum um helgina. En eins og greint hefur verið frá, taldi Viðkunnanlegur að hann lægji þar banaleguna.
Þegar vel var liðið á fjórða dag veikinda, þá taldist Viðkunnanlegum að hann væri búinn að innbyrða um 40 lítra af vatni en aðeins búinn að fara tvisvar á skíthúsið. En eftir margar þanþols prófanir á þvagblöðru Viðkunnanlegs í gegnum tíðina hefur komið alveg skýr niðurstaða, að hún getur innihaldið 7 stóra bjóra og þrjá góða sopa, en þá er þeim öryggismörkum náð sem öruggt er að halda sig fyrir innan ef blaðran á að halda fyrri styrk.
Með þetta að leiðarljósi þá held ég að það sé alveg ljóst að höggvið hefur verið nærri þeim metum sem sett hafa verið í greininni ef ekki bara nýtt met sett í svitnun!!